Home » Posts filed under Michezo

Showing posts with label Michezo. Show all posts

KIKOSI CHA YANGA

Mabingwa wa Tanzania Bara, Yanga wamesema wamejipanga kuhakikisha wanaibuka na ushindi wa 3-0 dhidi ya watani wao wa jadi, Simba katika mchezo wa Ligi Kuu ya Vodacom Tanzania Bara utakaopigwa keshokutwa kwenye Uwanja wa Taifa jijini Dar es Salaam.

Akizungumza na waandishi wa habari baada ya kumalizika kwa kikao cha Kamati ya Utendaji, Baraza la Wazee na matawi ya Yanga ya jiji la Dar es Salaam kilichofanyika kwenye ofisi za makao makuu ya klabu hiyo jijini jana, msemaji wa matawi hayo, Bakili Makele alisema mipango ya 'kumuua mnyama' imeshakamilika na wameshahakikishiwa kuibuka na ushindi wa magoli 3-0 katika mchezo huo mgumu dhidi ya vinara wa ligi.
Tumepokea taarifa kutoka kwenye Kamati ya Utendaji, Sekretarieti na Baraza la Wazee la Yanga kwamba mipango yote inakwenda vizuri, hakuna matatizo kwenye timu na hatuna majeruhi hata mmoja. Tunapiga magoli matatu Jumapili," alisema Makele.
"Tunaomba nidhamu kwa wanachama na mashabiki wa Yanga siku hiyo. Tunaomba pia refa na wasaidizi wake siku hiyo wawe makini maana wapinzani wetu mechi zao ni za penalti. Kila mechi wachezaji wao wanajiangusha na kupewa penalti zisizo halali," alisema zaidi Makele, ambaye pia ni kiongozi wa Tawi la Yanga la Temeke.
Naye Katibu wa Baraza la Wazee la Yanga, Ibrahim Akilimali aliahidi ushindi mnono siku ya Jumapili katika mchezo huo na kubainisha kuwa viongozi, makocha na wachezaji wameshamaliza kazi na kilichopo kwa sasa wao wanamalizia kazi ili kunogesha ushindi huo.
"Yanga tuna tamaduni zetu, sehemu yoyote ile ina asili yake, hivyo kwa hivi sasa sisi wazee kwa pamoja tunaahidi lazima tumchinje mnyama Jumapili. Uwezo na nia tunayo, hivyo washabiki wa Yanga mje kwa wingi Uwanja wa Taifa kuishangilia timu yetu" alisema Akilimali.
"Baada ya kufungwa 3-2 na Azam, nilisema kwamba Yanga sasa inaanza ligi. Watani wetu wanaweweseka kuona 'speed' (kasi) yetu ni ya hali ya juu, tunachoomba ni waamuzi kuchezesha soka kwa kufuata kanuni 17 za mchezo. Yanga si timu ya kuhurumiwa na marefa, na kama watafuata sheria 17 za soka, basi lazima tumchape mnyama.
"Watani wetu walitufunga 5-0, sisi (Yanga) hatutawafunga magoli hayo katika mchezo mmoja bali tutajibu kwa kushinda michezo mitano mfululizo dhidi ya Simba. Hapo tutaona nani atakayeumia zaidi; aliyefungwa 5-0 katika mchezo mmoja au aliyepoteza michezo mitano mfululizo," aliongeza Akilimali.
Ofisa Habari wa Yanga, Baraka Kizuguto alisema jana kuwa kikosi chao kinaendelea vizuri na mazoezi kisiwani Pemba kujiandaa kwa mchezo huo utakaochezeshwa na refa mwenye beji ya Shirikisho la Kimataifa la Soka (FIFA) Israel Nkongo wa Dar es Salaam, ambaye aliwahi kukunjwa na kupigwa na baadhi ya wachezaji wa Yanga katika mchezo wa ligi hiyo waliyolala 3-1 dhidi ya Azam FC msimu wa 2011/12.
Meneja wa Yanga, Hafidh Saleh aliiambia NIPASHE akiwa Pemba baada ya mazoezi ya jana kuwa wachezaji wote 29 walioidhinishwa kuitumikia Yanga msimu huu wako 'fiti' kwa ajili ya mchezo huo utakaokuwa wa tatu (wa watani) kwa kocha Mholanzi Ernie Brandts tangu atue Septemba mwaka jana kuchukua mikoba ya kocha Mbelgiji Tom Saintfiet aliyetimuliwa.
Mholanzi huyo aliyetua Yanga akitokea klabu ya 'maafande' wa APR ya Rwanda aliyoifundisha tangu 2010, aliiongoza Yanga kuichapa Simba 2-0 katika mchezo wao wa mwisho wa kufunga msimu uliopita wa Ligi Kuu ya Vadacom Tanzanbia Bara iliyochezwa Mei 18 kwenye Uwanja wa Taifa jijini Dar es Salaam.
Taarifa zilizolifikia gazeti hili jana kutoka ndani ya uongozi wa Yanga zilieleza kuwa kikosi chao kitaingia Dar es Salaam muda wowote kuanzia leo jioni kikitokea Pemba tayari kwa mchezo wa keshokutwa.
"Timu itatua Dar es Salaam kwa ndege muda wowote kuanzia kesho (leo) jioni na itafikia kwenye moja ya hoteli nzuri za jiji hili kuendelea na kambi," alisema mmoja wa 'vigogo' wa Yanga ambaye aliomba jina lake lisitiriwe.
SIMBA WAJIBU MAPIGO
Kwa upande mwingine, uongozi wa Simba umesema hautishwi na tambo za watani wao wa jadi na umejiandaa vizuri kwa ajili ya mchezo huo utakaoanza saa 10:00 alasiri.
Mmoja wa viongozi 'wazito' wa Simba ambaye hakutaka jina lake litajwe kwa kuwa si msemaji wa klabu hiyo iliyoanzishwa 1936, alisema wamejipanga vizuri kuhakikisha wanaishangaza Yanga kwa kuishushia kipigo kikali Jumapili.
"Yanga wanaongea kujifurahisha. Katika mpira huwezi kusema unaingia uwanjani ukijua unashinda 3-0. Timu yetu imeandaliwa vizuri ili iibuke na ushindi dhidi yao," alisema kiongozi huyo huku akiweka wazi kuwa kikosi cha Simba kimeweka kambi yake Bamba Beach. Kigamboni jijini Dar es Salaam kujiandaa kwa mchezo huo. Chanzo: Nipashe

NASRI: RIBERY ANASTAHILI KUWA MCHEZAJI BORA WA DUNIA

FERGUSON ASEMA HATARUDI ULINGONI.

GLAZERS AKIRI KUCHELEWA KWA MOYES KUNASABABISHA MATOKEO MABAYA MAN UNITED, AAHDI KUMPA SAPOTI YA NGUVU KATIKA USAJILI WA JANUARI

Majanga: David Moyes ameanza vibaya Manchester United WANATAMBUA kwamba klabu ilitakiwa kumnunua Moyes kabla ya mkataba wake na Everton kuisha – iliapate muda wakutosha kufanya usajili wakati wa kiangazi, badala ya kusubiri mpaka Julai 1, siku aliyotakiwa kuanza kazi Old Trafford. Klabu sasa hivi imepania kumpa msaada wote kumaliza tatizo walilokutana nalo wakati wa kiangazi. Wamiliki wa Manchester United, familia ya Glazers wanajipanga kumuunga mkono Moyes wakati wa usajili wa Januari. Man United wanajulikana kwa kutokuwa na tabia ya kutumia fedha nyingi wakati wa Januari, lakini kutokana na mwanzo huu mbaya, imeshawekwa wazi kwamba familia ya Glazer inajipanga kuvunja benki kwa ajili ya beki wa kushoto wa Everton, Leighton Baines na Ander Herrera wa Athletic Bilbao ilikuongeza nguvu kwenye kikosi cha Moyes. Moyes pia atakuwa anajua wazi umuhimu wa kukisuka upya kikosi chake hasa kwenye eneo la baki wa kati. Kichapo cha Jumamosi nyumbani kutoka kwa West Brom kimeifanya United kukamata nafasi ya 12 kwenye ligi. Wamepoteza mechi tatu kwenye msimu huu wa ligi tayari na Moyes amekiri kwamba hana wachezaji wa kiwango cha dunia wa kutosha. United leo wanaenda Ukraine leo kwa ajili ya mechi ngumu ya Ligi ya Mabingwa Ulaya dhidi ya Shakhtar Donetsk. Moyes tayari anajivunia kushinda mechi ya kwanza ya dhidi ya Bayer Leverkusen, lakini hataki kupoteza mechi nyingine kuelekea kwenye mechi ya Jumamosi dhidi ya Sunderland. Nyuma ya pazia pale Old Trafford, Moyes anaungwa mkono na viongozi wakubwa wa Man United.
Wanaweza: Mwenyekiti Joel (kulia) na Avram Glazer wamiliki wa United Kocha alikiri wiki iliyopita kwamba Man United walishindi ligi kuu msimu uliopita kwa sababu kulikuwa hakuna upinzani wa kweli. Familia ya Glazers na Mtendaji Mkuu wa United, Ed Woodward wanakubali kwamba kikosi ambacho Moyes amerithi kutoka kwa Sir Alex Ferguson hakina uwezo wa kuchukua ubingwa na baada ya kuwakosa Baines na Herrera, United wataangalia uwezekano wa kutoa ofa nyingine kwa ajili yao baada ya mwaka mpya. Beki wa zamani wa United, Gary Neville amesisitiza Moyes atapewa muda wa kutosha licha ya kuanza msimu vibaya. Akizungumza na Sky Sports, Neville alisema: “kwa sasa watakuwa wanaangalia tatizo nini na watahitaji kujituma na kumaliza tatizo hilo. Nilisema mwanzo wa msimu kwamba wachezaji watakuwa na changamoto kubwa sana.
Imani: Gary Neville anaamini Moyes atapewa muda wa kuthibitisha ubora wake Old Trafford “Je wanaweza kucheza bila ya Sir Alex Ferguson? Siyo David Moyes pekee ambaye anaumia, kuna wachezaji wengi pale wenye uzoefu mkubwa ambao pia wanaumia sana. Unafikiri namna Sir Alex Ferguson, alipewa muda wa miaka mitatu au minne kutengeneza timu, alikuwa kwenye presha kwa asilimia 100. “David Moyes, hakuna ubishi kwamba bado anajitahidi kuzoea kazi yake, kuwajua wachezaji, utamaduni na jinsi ya kuzungumza na waandishi wa habari. “Kuna kitu kimoja kiko wazi. Una Sir Bobby Charlton kwenye bodi yako, una David Gill. Huyu jamaa haendi kokote. Unampa miaka mitatu au minne kutengeneza klabu.”
Uvumilivu: Sir Alex Ferguson na Sir Bobby Charlton wanajipanga kumpa Moyes muda anautaka Ukiachana na Bodi, Moyes anatakiwa kutafuta njia ya kuwafanya wachezaji wajitoe kwa kila kitu. Kushindwa kufanya vizuri kwa wachezaji wengi wa kimataifa katika mechi dhidi ya West Brom na Manchester City mwezi uliopita hakuna ubishi kwamba kunatatizo kwenye mbinu za Moyes. Kuna taarifa kwamba wachezaji wa United wamekuwa wakifanya mazoezi vizuri, hatahivyo kuna maswali juu ya mazoezi magumu yanayotolewa na kocha huyo. Wakati ambao wachezaji kama Wayne Rooney wakifurahia mazoezi ya Moyes, wengine wameshangazwa. Lakini kocha huyo anaamini kwamba ipo siku mazoezi yake magumu yataanza kulipa tu Tabasamu: Wayne Rooney (kulia) akifurahia mazoezi ya Moyes lakini wachezaji wengine wameshangazwa
Kumekuwa na madai kutoka kwa kocha wa makipa wa zamani wa United, Eric Steele, kwamba Moyes alikataa ushauri wa Ferguson kubaki na wasaidizi wake, huku pia kukiwa na taarifa kwamba msaidizi wa Fergie Rene Meulensteen — alikataa kufanya kazi chini ya Moyes. Kuhusiana na wachezaji wake Moyes amekiri kwamba bado anawasoma wengine, inashangaza kuona kuna dalili za Shinji Kagawa kuondoka Old Trafford.

MANCINI KWENDA UTURUKI

Home

The World Do Not Appreciate Me Because I Am African - Yaya Toure

PICHA: CRISTIANO RONALDO ATENGENEZA MAKUMBUSHO YAKE

BALE: RONALDO ANASTAILI KUWA MCHEZAJI BORA WA DUNIA

MBWANA SAMMATTA AINGIA KWENYE KINYANG'ANYIRO CHA MCHEZAJI BORA AFRICA

SIR ALEX FERGUSON AVUNJA YA MAUZO YA KITABU CHAKE

SERIKALI YA KENYA YASEMA HAINA FEDHA ZA KUANDAA MICHUANO YA CHALENJI

CHEZEA MBEYA CITY: WAMETENGENEZA WIMBO WAO, SIKILIZA NA DOWNLOAD HAPA: UNAITWA SHANGILIA MBEYA

HOMA YA PAMBANO LA WATANI WA JADI WAJI: Yanga: Tutaipiga Simba 3-0 J`Pili

NASRI: RIBERY ANASTAHILI KUWA MCHEZAJI BORA WA DUNIA

FERGUSON ASEMA HATARUDI ULINGONI.

GLAZERS AKIRI KUCHELEWA KWA MOYES KUNASABABISHA MATOKEO MABAYA MAN UNITED, AAHDI KUMPA SAPOTI YA NGUVU KATIKA USAJILI WA JANUARI

MANCINI KWENDA UTURUKI

Pages

Followers

Tags 2

MITANDAO MINGINE

Popular Posts

CHAT ROOM