Chama Cha Mapinduzi Iringa kimeanza mikakati ya kurejesha Jimbo la Iringa Mjini linaloshikiliwa na Mchungaji Peter Msigwa kupitia Chadema kwa kutoa mafunzo maalumu kwa wanachama wake.

Mkakati huo umezinduliwa juzi jimboni humo kwa chama hicho kutoa mafunzo ya siku mbili kwa mabalozi wa nyumba kumi kuhusu msingi wa chama na mbinu za kulinda uhai wa chama.

Mwenyekiti wa CCM Wilaya ya Kinondoni ambaye alikuwa mgeni rasmi kwenye ufunguzi wa mafunzo hayo, Salum Madenge alielezea kushangazwa na ushindi walioupata Chadema kwenye uchaguzi Mkuu wa 2010 wakati walipata kiti kimoja cha udiwani kutoka katika kata 17 za jimbo hilo.

Madenge alisema umefika wakati sasa kwa mabalozi kutambua kuwa chama kinaanzia kwao na kwamba wao ni watu muhimu katika kulinda uhai wa chama, huku akisisitiza kuwa wakitimiza wajibu wao jimbo hilo litarudi mikononi mwa CCM katika uchaguzi mkuu ujao.

Akizungumza na wajumbe hao, Mjumbe wa Halmashauri Kuu ya CCM Taifa (Nec) anayewakilisha Wilaya ya Iringa, Mahamoud Madenge alisema wanachama wa (CCM) Jimbo la Iringa Mjini walifanya kosa kwa kuacha kuchagua chama chao na kupigia kura upinzani

You may also Like